李蕙敏夜蒲唔願走

李蕙敏近幾年蒲多過做，八太去親中環都幾乎次次撞見佢，有晚李蕙敏又去咗蘭桂坊飲番杯，見佢嗰晚扮到靚一靚，急急腳咁行入酒吧後，就滿場飛四處同人打招呼，似乎佢都係呢間酒吧嘅常客喇。李蕙敏之後就同朋友揀咗張位置較入嘅枱，坐低摸杯底傾吓偈，但係坐咗唔夠半個鐘，佢就身郁郁，仲同幾個外籍猛男出咗去酒吧門口慢慢吹水，見佢愈講愈興奮，仲講到指手畫腳，成粒鐘都未見佢走人。