趙碩之鬧市晒胸除Bra被阻
趙碩之（Wylie）「中門大開」於鬧市宣傳豐胸，自爆貪靚曾有意「不設防」示人，為了保護「生財工具」，她不排除斥資為一雙美乳買巨額保險。
去年一度「封胸」的Wylie終於明白生存之道，再以性感尤物姿態拍攝豐胸美容廣告，昨更以超深「事業線」亮相銅鑼灣街頭，引來大批市民在場虎視眈眈。Wylie更自爆謂：「戴咗Nude Bra，但又驚穿崩唔好睇，所以都有諗過除埋個Bra，不過畀工作人員阻止，所以花咗好多時間黐膠紙囉。」
嫌大阻運動
Wylie的豐滿身材羨煞旁人，但原來當事人卻因此而一度「龜縮寒背」：「我係運動型，唔鍾意（大胸）阻住做運動，依家終於明白女生要有體態美，所以挺起胸膛做人。（為『生財工具』買保險？）呢樣可以諗，聽講冇受過傷保費可以平啲嘛。」
聞震乳尷尬
談到「宿敵」周秀娜將與Jessica C.開拍新片，角色勁打之餘還要「震乳」製造效果，Wylie聞言笑說：「嘩，好尷尬喎，好想睇吓拍出嚟嘅效果。其實之前都試過有片商搵我拍戲，造型跟足遊戲Game，上圍勁誇張，不過後嚟冇咗下文。」至於昨日首播的豐胸廣告，拍攝效果被指與周秀娜年前的纖體廣告異曲同工，不過Wylie則獲師姐戴夢夢撐場，扮演「犀利哥」，為廣告加插了不少喜劇效果。
文：影視組