蘇永康年屆中佬心急生仔
蘇永康和梁漢文出席餐廳開張活動，坦言已恭賀謝霆鋒再任爸爸，蘇永康說：「好嘢！生個仔靚仔過霆鋒，謝家嘅遺傳真係冇得傾。」兩人表示稍後待栢芝出院才去探望。問到會否買禮物賀BB，蘇永康說：「霆鋒乜都有，億幾間屋都有，真係好難諗，佢哋兩公婆又好環保，將Lucas着過嘅衫畀小朋友着，諗到就諗啦，霆鋒都明我哋係『探為名玩為實』。」
問梁漢文何時加入爸爸行列？他先是支吾以對，借指早前孭小胖傷了腰骨，其後又表示要看2012是否世界末日再決定。身邊的蘇永康則感慨地說：「佢大把時間，我就真係急，見咁多朋友係咁生，唔心動就假，依家都中佬啦，即刻生我都43歲，又冇何鴻燊過百億家財，隨緣啦！都要尊重我另一半我太太，（你結咗婚？）未婚太太囉！佢剛升職，事業心好重，都要溝通，適當嘅時候就會發生。」