楊愛瑾開騷舊隊友分開捧場
由楊愛瑾（Miki）及董敏莉（Monie）領銜演出的音樂劇《親愛的，維多利亞》前晚開鑼，獲好友周柏豪、同公司的新人陳雅麗和楊梓瑤等撐場，反而前Cookies隊友只得鄧麗欣及Angela到場，傅穎則花到人未見。Miki表示：「所有朋友都有請，不過朋友係分日子嚟。」前Cookies成員只得兩位到場，問Miki可會感失望？她說不會，因為有部分人不在香港。
問Miki及Monie的緋聞男友會否到場？兩女齊齊擰頭說：「冇呀。（係冇男友定係冇嚟？）唔好講呢啲嘢，講做嘢，唔好講埕埕塔塔啦。」另外，柏豪因雙眼各生了兩粒眼瘡，稍後要入院做手術。
