郭可盈避偷拍落簾餵奶
郭可盈自生Ｂ女林天若後，昨日首次出席「史迪仔扮乖仔至冧媽咪日」活動，更笑謂對酬勞相當滿意。為人母後的首個母親節她感覺格外溫馨：「ＢＢ喺我出門口時狂錫我，係份好好母親節禮物。（老公林文龍送咩？）個天已經好錫我，個Ｂ又好湊，係份好厚待嘅禮物。ＢＢ好似我食得瞓得，有時仲會瞓到個頭去咗腳嗰邊！」
可盈透露晚上舉家晚膳慶祝母親節：「我媽咪好錫ＢＢ，所以見到ＢＢ對佢嚟講已經係最好嘅母親節禮物。」早前有雜誌指文龍跟可盈坐食山崩，她謂：「唔想回應，佢哋鍾意寫咩就寫咩！影到入屋始終唔係咁好，因為依家我仲係人奶、奶粉一齊餵ＢＢ，以為屋企最安全，點知都畀人影到，唔通叫我入廁所餵咩。依家惟有拉晒窗簾。（經濟狀況ＯＫ？）梗係，我哋係穩陣派！文龍都有拍廣告及出席活動賺錢。（你都全面復出？）拍廣告同出席活動囉，但係拍劇就唔會住，始終唔想離開ＢＢ太耐！」