郭秀雲（Sharon）早前得知愛兒錢景峰與Mia拍拖時，曾揚言對方不會是兒子最後一個女朋友。Mia繼續賣肉拍寫真，還公開大讚男友錢景峰人品好，且不嫌棄她已育有一子一女，對她成為新八模又十分支持。
對於Mia一番言論，Sharon昨日接受電話訪問時說：「我覺得正常，後生仔女交朋友印象分係好事。（你唔介意個女仔背景好似好複雜？）做朋友冇所謂，我個仔依家先得嗰十零歲，佢又唔係第一次拍拖，呢次都唔會係佢最後一次，識唔同人可以幫助思維成長，有唔同嘅經歷先可以變得成熟。（佢有無帶過Mia見你？）冇特登帶畀我見，但有撞到過。（你唔反對佢同Mia一齊？）我唔會特別重視佢係咪女朋友，我個仔人生路仲好漫長，總之識咩人都唔好影響到學業，到目前為止佢成績都好好。」
