陳法拉抱病喊住開工

鄧萃雯、黎耀祥、陳法拉等昨出席《巾幗梟雄之義海豪情》開廠拜神儀式，其中法拉面有病容，她說：「係有少少病，加上前晚拍喊戲好攰，（男友豪宅風大冷病？）唔係，幾乎返屋企時間都冇，（男友叫你做少奶奶？）從來都冇，佢知我好鍾意演戲，所以好支持我。」

此外，「四奶奶」與「柴九」搖身變成撈家婆與差人，問到雯女今次跟祥仔可會有親熱戲？她笑言：「我哋感情深厚唔使靠身體表達嘅，戲裏面我哋有過夜都冇嘢，正好教育下一代愛唔一定擁有，過夜唔一定搞嘢。」至於祥仔則對此劇收視甚有信心。另有傳當了影后的惠英紅爭戲，她斷然謂自己從來不會爭。