栢芝獲拉姑激讚母得頂
母愛氾濫的張栢芝臨盆在即，原來謝家一早已為新成員想好名字。身為廿四孝奶奶的狄波拉，昨日指孫仔有個好媽咪栢芝寵愛，相比起萬千寵愛來得重要。看來栢芝於奶奶心中的位置又再進一步！
隨着栢芝再度產子的日子逼近，其赤柱寓所門外聚集傳媒人數亦愈來愈多，昨日更吸引大批傳媒守候。雖然栢芝曾擇日今天母親節入院剖腹產子，但謝婷婷前日於上海出席服裝品牌活動時，卻指阿嫂預產期已更改，估計是十四日生Ｂ，更指謝家早已為新成員想好名字。
覺「Focus」好聽
鑑於謝霆鋒曾表示幼子的名字要跟隨哥哥Lucas的「cas」尾音，故網民亦為此進行投票，結果一致認為「Focus」最適合，因Focus乃焦點的意思，相信栢芝幼子出世後定必成為傳媒焦點。
剛從外地返港的拉姑，聞得Focus名字時大讚好聽：「好開心咁多人都咁關心個孫仔，個名係咩意思？（即係集中力喺晒個孫度，萬千寵愛呀！）得嘞！唔使萬千寵愛啦！佢有個咁好嘅媽咪錫已經好足夠。」問到栢芝是否想雙喜臨門，故決定今天母親節產子？拉姑卻故作神秘表示不知情。
身為母親的拉姑表示，兒子霆鋒應不會與她慶祝母親節。她謂：「阿仔話驚出街引起好多記者追住，咁會嚇親栢芝。你諗下，如果栢芝係呢十日內生，仲會唔會出街行來行去先？所以佢會留喺屋企。我唔使個仔同我慶祝，佢陪老婆得嘞，我仲有個女婷婷陪嘛！到時攬住佢成日囉。（咁婷婷男友安志杰係咪同你一齊慶祝？）佢都唔喺香港。」
謝賢指霆鋒揸弗
另外，謝賢亦表示不知Lucas弟弟何時出世：「交畀霆鋒揸弗啦！佢係一家之主，孫仔改咩名都係佢話事，我都係等通知。之前Lucas振軒都係阿仔改名啦。」至於栢芝經理人周小姐表示，對栢芝產子日期及BB名字不知情。
文：影視組