子聰醒老婆 超儀趴地遭圍揼
何超儀、陳子聰早前「夫妻檔」上陣拍攝一輯《維多利亞壹號》與GOD合作的宣傳片，擔任製作的陳子聰，沒有錫住老婆，拍攝期間，要何超儀「趴街」兼「跪地」，廣告內仲要畀人「圍揼」，其中，超儀「趴街」、「跪地」連地墊都冇，超儀要實牙實齒地以「人肉」撞「硬地」，諗起都痛，但子聰一於好少理，為求拍好條片，還要超儀硬食十幾個NG，搞到手(月爭)瘀晒，呢啲瘀痕，都算係老公「醒」佢。
有被虐狂
事後，問陳子聰是否與老婆有「積怨」所以要公報私仇，拍宣傳片時玩吓老婆？子聰笑言：「我哋係演員嚟，拍嘢最緊要出嚟效果好，少少跌跌撞撞唔介意，條片係搞笑嘅，最重要出嚟好笑啫，just for fun，佢（指超儀）拍得好開心。」
超儀亦「夫唱婦隨」笑指自己有被虐狂，她笑謂：「我覺得好好玩，我有被虐狂架嘛，導演要我跌跌撞撞、趴落地都冇所謂，最緊要拍好條片啫。」
文：影視組