祥仔生日會影迷越洋出席
黎耀祥前日獲一班香港及台灣的影迷為他慶祝生日，更帶來生果、壽包及禮物，令祥仔相當感動：「佢哋咁遠路程嚟到同我慶祝，我都唔好意思，除咗禮物，佢哋仲將我以前嘅新聞剪輯成書送畀我，當中有一本更有齊長春、哈爾濱同上海fans嘅簽名。」
問祥仔有否一些瘋狂fans，他謂：「冇乜，不過有時收到一啲信，都知有問題，有一個成日同我講國家大事，（會回信？）好少，依家都係網上留言多。」說到生日願望，他坦言最緊要是身體健康，問他會否希望憑《巾幗梟雄之義海豪情》連任「視帝」，他笑言：「冇咁諗，攞咗一年已經好好，對自己有交代。」