小廉被撞唔志在 蔡少芬爆波怕冇仔生
蔡少芬（Ada）、曹永廉、陳豪等《飛女正傳》演員前晚任《超級遊戲獎門人》嘉賓，其中阿廉「坐波波」時，整個人飛坐到「獎老」金剛的膝頭上，阿廉即時掩住下體面露痛苦表情，事後他承認撞到下體中間：「不過冇撞到『兄弟』，我都生咗仔啦，唔志在，夠用架喇！（今晚即刻試用？）返到去都夜喇，一陣試下小便先啦。」
Ada為獎金獎品亦不留手，尤其玩「爆波波」時對自己心口絕對有信心：「只係擔心條腰有事，我驚生唔到仔呀！」Ada玩遊戲時飛來飛去，直如Janet Bin上身。
《獎門人》過去幾集接投訴後，從善如流將「坐波波」分開男、女子組，陳豪得知後笑言失望：「梗係想同女仔玩啦！」朱慧敏則着了兩條褲以免走光失禮人。
