何超儀昨日到電台宣傳電影和新歌，她表示新片《維多利亞壹號》於今晚舉行首映。提到電影中不少血腥場面，是否遭電檢處刪剪很多？超儀則言：「唔算好多，都叫做配合到，依家只係將一啲殺人過程唔拖咁長，唔想畀人覺得太虐待同痛苦囉！」超儀又表示會給完整版給父親看。對之前在外地有人看這套戲嚇暈，超儀謂：「我哋首映會派嘔吐袋，嚇到嘔外，如果有人覺得係爛片，都可以睇到嘔嘅。」超儀笑指陳奕迅在戲中演賤男，有一場講兩人去開房，拍攝當晚老公陳子聰都有來監場，但最後老公等到瞓着咗，瞓醒都已經拍完。
