出爐金像獎影帝任達華昨日出席S.T. Dupont的活動，他自言三十年前已儲錢買該品牌的打火機。他說：「我嗰時已經儲佢哋嘅打火機，當時買都要千幾蚊，依家放咗喺保險箱。打開火機時『叮』一聲，拍戲拍得攰時聽到會好醒神。」
早前有雜誌拍得他穿奪影帝時的黑色戰衣抽煙照片，女兒任晴佳看了照片後要他罰企。他說：「個女想我戒煙，因為食煙對身體唔好，佢睇完張相之後就罰我企喺Naughty corner，罰我企咗四日，仲要我着番嗰件黑色戰衣嚟企。我覺得佢呢個舉動好天真，有規有矩。我會盡量戒同少食啲。」
