軒仔嗒糖爭住咀

軒仔、lvana及梁祖堯將合演音樂劇《柯廸夫Octave》，日前三位演員齊齊拍海報。一向圓潤的lvana早前患腸胃炎致上吐下瀉，非常慘情，卻因禍得福瘦了成個碼。軒仔見緋聞女友變靚又着低胸裙，即口花花說：「今日lvana咁靚，瘦咗又性感又惹火又漂亮，真係病多啲好。」

為票房變四級

兩人影合照時，軒仔興之所至突然想咀lvana，伊人即伸長頸等錫，令工作人員嘩然。軒仔笑言：「你哋快啲影，再耐啲我真係忍唔住咀落去。」lvana聞言即說：「係咪想個劇海報變三級先？三級唔使咁煩o架，變三級好易，我落妝，為咗票房唔打緊，我犧牲。想四級都得呀！叫張敬軒落妝，即刻變四級（驚嚇），哈哈。」

由於lvana瘦身成功，以前常被笑脹爆的她，今次終於爭番口氣變回標準身材。可是因為太瘦，其低胸裙出現過鬆情況，要用夾仔夾實。對於軒仔讚她是性感尤物，lvana稱因為隆重其事才穿得少，但就不覺很性感。她又謂人生第一次性感，已在軒仔的個唱送了給他。問到幕前初吻是否同樣給軒仔？她很大反應地說：「吓？咁就要諗吓，有得揀一定唔係佢，乜都畀晒佢咁益佢？」

遊紐約被搶錢

另外，軒仔、側田及台灣歌手林宥嘉昨日為「拉闊音樂會」綵排。剛自紐約返港的軒仔，自爆被疑似癮君子的黑人搶錢。他說：「有三個黑人叫我買糖，一蚊美金一粒，我咪買，但佢見我銀包有五蚊，就捉住我唔畀我走，我咪畀佢囉，真係一額汗。」他又說曾到唐人街遇見很多中國人，可惜無人認得他是歌手，故軒仔嘆謂：「我都要檢討吓自己！」

文：音樂組