Rainbow擸棍揮動事業線
擁有32B上圍的o靚模胡心諾（Rainbow），以五位數字酬勞接拍online game廣告，原本以盔甲上陣的她，臨時改穿三點式玩鐵通，難得她毫不忸怩，三吋事業線任人睇。
今年o靚模寫真集戰況激烈，去年成績不俗的Rainbow早前率領五位師妹到宿霧影靚相，昨日又以五位數字酬勞為「Rohan‧洛汗」遊戲商拍廣告，認真忙碌。原本Rainbow要穿盔甲做女鬥士，但因籌備時間緊迫，廣告商決定要她穿性感比堅尼上陣，稍後用電腦合成。
自認專業模特兒
雖然臨時變陣，但Rainbow毫無怨言，更大方展示三吋「事業線」（乳溝）。她說：「唔介意，因為我係專業模特兒。」對於早前周秀娜在另一online game谷盡D奶，她說：「唔及佢咁勁，大家走嘅路線唔同。」除了穿上三點式，Rainbow又拿起鐵通假裝揮劍。她又說：「今次扮千金小姐，同現實中嘅我都幾似。」
適逢母親節將至，Rainbow表示會將今次酬勞全奉獻，又會買一份厚禮給母親。她說：「今年我想送金鏈畀媽咪，因為上年送咗鑽石，媽咪話唔係咁保值，將來又賣唔出，覺得黃金升值好啲。」
文：專案組