「浸大E神」Carol半裸出擊
暑假將至，沉寂多時的o靚模寫真戰又再展開，去年寫真大賣的周秀娜（Chrissie）今年要面對更多強勁對手，據知比Chrissie的34D上圍還要多一Cup的「浸大E神」楊梓瑤（Carol），今年亦打算加入女模寫真混戰，她自言不介意半裸出擊，她說：「其實寫真仲未傾好，但都有機會出，最激底線係裸背，但一定唔會玩滴蠟，因為我怕痛。」問到會否視Chrissie為勁敵？她笑說：「好難追到，自己仲係學生，剛啱成功考入浸會大學讀人文學科，好開心！我最欣賞佢EQ好高同勤力。」
Carol的甜美樣貌加上魔鬼身材，不少宅男已為她神魂顛倒，她更自爆讀書時已是萬人迷：「最多試過有五個男仔追求，不過依家係單身，暫時以工作同學業為先，唔考慮拍拖。」
此外，記者致電剛由外地返港的Chrissie，對於有指新一代咪神Carol狙擊她，Chrissie反問誰是Carol後笑言：「佢哋打贏新八模先講，猜皇帝都要排隊啦，今年我有興趣睇A. Lin、Dada嗰本寫真集多啲，我啱啱返香港，時差仲未適應，仲好暈呀！」
服裝提供：Roxy