鍾舒漫陳偉霆情侶檔搵銀
鍾舒漫（Sherman）成功「升呢」，英皇亦對她抱有期望，今年會力谷她成為公司另一棵「搖錢樹」，目標要她年賺百萬。而下月她將和陳偉霆（William）組情侶檔開演唱會賺外幣，實行密密唱回饋栽培她的英皇。
Sherman在去年尾及今年頭橫掃各大頒獎禮的獎項，其唱功終得外界的認同，英皇有見Sherman走勢凌厲，早已部署力捧她「更上一層樓」，同時為鞭策她加倍努力，實行以苦肉計，將壓力變成推動力，講明要她一年內要賺七位數字，令Sherman不敢偷懶，她說：「雖然公司咁講會令我好大壓力，但有要求先有進步，我會努力架啦，其實公司都投資咗好多資源喺我身上，所謂『養兵千日用在一時』，我都係時候向公司報恩。」
工作忙冇得抖
Sherman坦承近期工作量倍增，經常要一晚走幾場商演，未知是否壓力大，工作忙又欠休息，最近她患上重感冒，令進行得如火如荼的錄音工作也要暫停一星期，最慘是因她是發病源頭，同事見到她如見鬼，猛叫她記得戴口罩免「累街坊」，她苦笑說：「車我嘅司機哥哥都『中咗招』，因為嚟緊我有好多工作，所以依家我一定先要養好身體。」
心情特別緊張
Sherman下月將和William到馬來西亞舉行演唱會，這是她首次半擔大旗開騷，心情難免特別緊張，問她是否和William組情侶檔賺錢？她謂：「之前都用咗呢招，幾work架，但我哋一定唔會日久生情，William喺佢Blog度都歸納我為兄弟啦。」
採訪：音樂組