江美儀自加盟無綫後，不足一年已拍了多部電視劇，如《五味人生》、《搜下留情》、《刑警》、《Only You只有您》以及《女人最痛》，最近還跟視帝視后黎耀祥、鄧萃雯合作拍攝電視劇《巾幗梟雄之義海豪情》，江美儀十分感謝無綫不斷給予機會，她與公司上下同事合作得亦很順心，她表示：「因為呢度做嘢個個都好認真，大家一齊好努力咁做好件事，好有滿足感。」
於《義》劇中，江美儀飾演黎耀祥太太，美儀直言已是第三次做黎耀祥老婆，她表示：「我之前喺電視劇《蘇東坡》同埋一部電影度，做過佢老婆，今次係第三次，（依家對方貴為視帝，有無乜唔同？）無，佢嘅戲不嬲都好好，依家仲更加之好。」
