姚子羚增磅着Bra騷本錢

姚子羚和馬賽從未合作過，但二人均同樣是徐淑敏（Suki）的好朋友，去年齊齊擔當Suki的姊妹團。子羚揚言好恨嫁，她笑說：「身邊好多朋友都結婚或計劃結婚，我都希望真命天子快啲出現，可惜做藝人較難搵男友，呢個圈嘅好男人都名草有主。」

想變大一Cup

而馬賽自言仍未遇到合適對象，暫時惟有寄情工作，幻想與同劇演員如吳卓羲、林峯等拍拖，她說：「Suki係個好敢愛嘅女仔，但自己做咩都要深思熟慮，估計自己起碼三十歲後先諗結婚。」夏天將至，不少女藝人都會晒本錢行泳衣騷搵真銀，子羚大方表示不介意，她自言最想接內衣騷，她解釋：「我想行內衣騷多過泳衣騷，覺得內衣更能着出人體線條，仲可以好似Jessica C.咁變大一Cup，但依家首要努力增肥，多啲肉地會好睇啲。」

馬賽天生骨架細，但最近受Bobby影響狂食，成功增肥八磅。

二人曾擔任Suki的姊妹團，但對婚姻有不一樣的看法。

十足Bobby妹

身材一向偏瘦的馬賽最近更成功增磅，令她欣喜若狂：「因為同歐陽震華（Bobby）合作拍《不速之約》，兩個月嚟日日係咁食，試過兩個人食一個烏頭煲同梅菜扣肉，連啲道具飯都畀我哋食埋，好誇張！」馬賽透露現在成功增肥八磅，並被Bobby取笑似足兩兄妹，她笑說：「劇入面我做Bobby細妹，佢成日話阿妹呢排又圓咗，遲啲要拍部古裝劇，擔心肥晒喺塊面度，都要開始控制吓食量。」

文：專案組 攝：沈健程

服裝：GUESS 場地：漁喜小菜皇

髮型：Taylor Wan＠Hair Corner（姚子羚）、Sydney＠Hair（馬賽）