司馬燕昨午在微博中透露胞姊離世，她更指姐姐離世前曾吐血。記者傍晚時就此事致電司馬燕，她語氣平靜地表示現時心情OK：「其實都預咗，因為家姐呢幾日連透氣都好辛苦，唯一安慰，係佢去嘅時候個樣好安詳，好似瞓覺咁。」司馬燕又指姐姐由年前患子宮癌開始，病情一直未見好轉：「醫番好之後（癌細胞）去咗個肚、淋巴，仲有大腸，做過手術割咗好番之後，又輪到個肝有點點、然後就肺有事。加上我家姐一路洗緊腎，變咗又唔可以隨便落藥……其實我覺得佢好好嘢、好硬淨，都捱咗六年，算係一個解脫。」