蘇頌輝等機會向周星馳自薦

攻讀東亞研究、法律及工商管理的蘇頌輝（Desmond），本着要以熱愛的事為工作的信念，年前毅然辭去銀行工作，轉投明珠台擔任節目主持，生活頓變得多姿多采。多才多藝的Desmond，除了主持工作外，更是禮儀學校的首席顧問，擁有迷人自信笑容的他，分享令人留下最佳第一印象的方法：「我有部分嘅課程係教啲大學生點樣增進見工嘅技巧，因為我發現香港嘅大學生好多都好叻，但係談吐同自信方面就好似仲爭啲。其實要令人留下好嘅第一印象，眼神同握手方式都好緊要，只要講嘢時好誠懇咁望住人對眼，同埋握手握得自然同有力，就OK架喇。」

讚楊紫瓊有禮儀

問他心目中哪位演藝人最有禮儀？他笑指其中一位是楊紫瓊，他說：「之前我有機會同佢做訪問，我覺得佢好有禮貌同好elegant，佢嘅微笑同眼神接觸，令人覺得好舒服同好被尊重。」

原來Desmond對電影拍攝亦甚有興趣，他笑言：「我乜都想試吓，我同自己講，有機會至少希望拍到一部電影。」他是周星馳的影迷，還笑言若將來有機會，不排除會自薦與星爺合作：「呢樣嘢nothing to lose架嘛！如果佢拒絕我會有少少失望，但若果我唔講出嚟，我覺得好似對唔住自己咁。」

周星馳	蘇頌輝目光遠大，計劃拍西片實踐電影夢。

與伍允龍拍片花

雖然暫未有幕前演出機會，但Desmond已着手逐步實踐電影夢，之前他與幾位好友，包括伍允龍等拍攝了一條名為《Bloodtraffick》的片花，雖然只有短短十分鐘，但Desmond已花了十萬美元，足見製作認真，他說：「其實我哋目標係拍一部荷里活電影，所以想籌集大約一千萬美元嘅資金；若果成事，我哋會搵荷里活一級嘅演員嚟助陣，包括《逃》同《拆彈雄心》嘅男主角，不過由於依家都仲係好初步階段，所以暫時賣個關子先，遲啲有進一步消息先再公布。」

文：影視組

場地：港麗酒店池畔雅座