江若琳帶病撐場爭免費按摩
江若琳昨日帶病出席老闆林小明開辦的美容中心開張誌慶，她表示會盡力游說爭取免費享用美容中心內的腳底按摩服務，爭取個人的員工福利，盡顯「一姐」本色！
江若琳、鄭伊健、彭氏兄弟和寰宇新人倪晨曦，以嘉賓身份為寰宇娛樂老闆林小明斥資一千萬開設的美容公司「U Beauty & Medical Center您的醫學美容中心」剪綵。到場嘉賓還有鄭希怡、吳浩康、詩雅、鄧麗欣、馮德倫等，場面熱鬧，英皇老闆楊受成和導演杜琪峯亦有送上花牌祝賀。
以嘉賓身份剪綵的「寰宇一姐」江若琳，到場時一臉病容，原來她受細菌感染造成急性喉炎，但仍撐起精神出席活動。問她最想在美容院享用哪種服務？她說：「呢度有腳底按摩服務架。（不收費用？）我會盡力爭取唔使錢，呢啲係員工福利嘛！」
伊健讚女友識撈
鄭伊健則稱自己不善於做生意，曾與朋友合作搞氣槍生意卻差點惹上官非，他說：「我哋係有牌嘅，但因為係焦耳問題就被懷疑係改裝槍，其實係批槍本身有問題。」他又讚女友蒙嘉慧是生意人才，他說：「佢之前喺廣告公司做過幕後，呢方面有經驗。」問他會否投資在女友身上做生意，他說：「咁佢仲做緊幕前，發展都唔錯吖。」伊健更透露曾經考慮在中環開食肆主攻打工仔市場，但因租金太貴而打消念頭。
鄭希怡老闆夢碎
另外，而吳浩康、鄭希怡和詩雅，亦同聲表示曾商量過做生意大計，鄭希怡說：「吳浩康講到開賭場咁大，我就想喺上海開糖水舖，但最後都傾唔埋。」吳浩康透露與女友莊思敏合作搞網上美容公司搜尋器，六月便會面世，他說：「錢方面會平分，依家同佢食飯都係各自付款。」
文：影視組