鄭嘉穎爭視帝要排隊
鄭嘉穎昨與李思雅等出席網球活動，前者直言是網球發燒友，且自爆瘀事謂：「以前其實鍾意打籃球，試過喺街同人鬥波，唔小心傷咗入院縫七針！依家就有個心願，想約埋三五知己去睇大滿貫。」
有指他強迫監製李添勝開拍《鐵馬尋橋》續集，嘉穎直指此乃無稽之談：「其實除咗我之外，仲有其他演員講過想拍續集，但呢啲要睇大家嘅決定，唔係我一個人可以話事。話我想爭視帝？依家添哥拍緊台慶劇《義海豪情》，係都係黎耀祥同鄧萃雯先啦。」嘉穎又表示與《鐵》劇台前幕後相處愉快，遺憾是全劇只得廿五集，倘若有三、四十集，相信效果會更好。
