官恩娜（Ella）昨日以背心連身裙出席基本法活動，自爆左手手臂被蚊狂叮，她笑謂：「我好彩成世人冇痛症，不過就有痕症，搞到成日身痕。（醫生男友提供秘方？）我有睇開醫生，佢幫我搽藥膏。有時好變態o架，瞓到半夜痕到成身抓到紅晒，有時我仲會用熱水『辣』佢止痕。（男友瞓喺你隔籬同你抓？）男友點會瞓喺我隔籬？我哋又唔係同居，不過同居真係會少啲蚊咬嘅，兩個人可以分擔吓嘛！（同男友同居分擔？）我唔想同居，惟有自己捱吓畀蚊叮囉。」
