Liz冇人追陷沙漠Dry爆
有「翻版大S」之稱的o靚模李莉琳（Liz），日前化身性感美麗新娘，與「新郎哥」范振鋒影婚紗照。Liz樣子嬌小甜美，理應惹來不少狂蜂浪蝶，惟她自爆原來已身處「沙漠」，皆因Dry爆兩年冇拍拖。
李莉琳和范振鋒（Ricky）為「芝柏」婚紗影平面廣告相，兩人日前到該婚紗店試婚紗及禮服，一對「新人」表現親暱，Ricky攬實Liz纖腰，Liz亦胸壓對方，期間Liz擺出淘氣表情，認真搞笑。
無結婚衝動
Liz一口氣試了近三十套婚紗及晚裝，當中不乏露背及低胸婚紗，還露出誘人的「事業線」，相當性感，令人眼前一亮，不過Liz自嘲身材一般，她說：「我身材唔算勁，婚紗本身有墊，所以效果先覺得勁。」談到結婚問題，Liz說：「廿歲時有諗過，媽咪都係早婚嘅人，但依家已經冇諗，因為連追求者嘅都冇，Dry咗兩年，好似身處沙漠咁。（要求高？）唔係。」
拍拖會公開
問到會否揀圈中人談戀愛？她說：「唔抗拒，亦冇所謂，有拖拍會公開，除非另一半唔想畀人知。（姊弟戀？）我鍾意思想成熟男仔，要有才華、上進心及孝順，（靚仔呢？）又唔使，因為太冇安全感。」
同場的Ricky則大讚「新娘」靚女及身材好，他說：「我都係第一次影結婚相，感覺幾得意，（依家有冇拍拖？）有呀，拍咗兩、三年。」
採訪：專案組