陳逸璇潮選A.D.M.J.

由歌手轉型模特兒的陳逸璇（Jolie）日前為日本手袋品牌A.D.M.J.擔任模特兒，一見琳瑯滿目的手袋即表現興奮，她說：「有邊個女仔唔鍾意手袋，我屋企都有唔少，以前多數用大袋，細袋反而夜晚去飲嘢、或者去派對就會帶！不過，我最鍾意都係Clutch bag，簡直係瘋狂愛上，有幾十個唔同顏色、款式或圖案，有啲係Vintage，喺唔同國家買，我每次去旅行梗會搜羅，唔一定大牌子，見到鍾意就買，有時仲特登去古董店，睇吓有冇特別款式！」

不放棄音樂

談到近況，Jolie表示現主力做保險，兼任模特兒，但念念不忘唱歌，所以不會放棄，而最近更迷上Jazz樂，她說：「放低咗音樂一段時間，依家保險成績唔錯，可以有時間玩番，最新跟老師學Jazz，覺得好好玩。（工作同之前好唔同吧？）性質好唔同，保險要有好大責任感，樣樣親力親為，以前出入都有助手，好多嘢都有安排，雖然好唔同，但依家滿足感好大。」

Hello Kitty亮片Cova-Tote香港限量特別版手袋　$8,380	23周年紀念Cova-Tote手袋　$6,880	小牛革Swarovski Clutch Bags ＄6,880
亮面鱷魚壓紋Cova-Tote手袋　$5,280	Love Boston小牛革加帆布手袋 $6,480

人手打造東瀛魅力

日本時尚手袋品牌A.D.M.J.去年登陸香港，其手袋的質料全來自意大利與日本小牛皮或其他頂級山羊皮、馬皮等，配上精緻的工藝、刺繡、水晶、徽章等，由人手一針一線縫製成，百分百來自日本。

最新推出的A.D.M.J. Hello Kitty亮片Cova-Tote香港限量版，有粉紅、綠、橙、紫四種顏色，充滿春日氣息，採用頂級的鞣製小牛革素材，手袋上閃亮的Hello Kitty圖案更添可愛。另外，23周年紀念版Cova-Tote手袋，23顆以「榻榻米刺繡」技術所做的星星，形以一圓圈包圍象徵品牌23周年的「23」字樣，加上招牌的天鵝絨真帶，傳達出細膩而熱情的品牌魅力。

品牌的徽章或配飾同樣細緻。

放大圖片

攝影：沈健程

場地：Beer Bar （蘭桂坊）

採訪：Jessica Lam