王梓軒新碟賣純情
王梓軒日前為新歌《心足》拍攝MV，導演為配合歌詞，特意找來一位美少女擔任女主角，當中更與梓軒有不少親密接觸，他說：「始終係第一日識，初初都擔心會尷尬，好彩大家好有默契，導演要求嘅動作都統統過關。」
梓軒更親自設計跳舞場面，令MV生色不少，他說：「唔知係咪消耗咗唔少體力，拍到我食粥個鏡頭時，都忍唔住大啖大啖咁食，仲畀導演同工作人員笑我。」談到新碟名為《超越東西》，原來是承接第一張專輯《超越聲音》的第二部曲，梓軒說：「今次隻碟希望畀樂迷感受到我輕鬆親切一面，『超越』物質層面嘅純真情懷。」