囡囡百日宴阿B收禮現兜兜
前晚鍾鎮濤（阿Ｂ）與太太范姜為細女鍾幗假深灣遊艇俱樂部舉行「百日幗宴」百日宴，譚詠麟、李克勤、張智霖與太太袁詠儀、錢國偉和何麗全等均有到賀。阿Ｂ表示當晚筵開近二十席，鍾懿表演唱歌，他就作愛心伴奏，而難得人齊的溫拿亦即場夾Band助興。
范姜未修身
問阿Ｂ收到甚麼禮物，他說：「朋友好好，好多都係現兜兜，咁就最好。」問他送甚麼給囡囡，阿Ｂ答非所問說：「唔需要，佢就係我最好嘅禮物，身邊好多朋友已經做爺爺，我先做老竇，但都係開心事。」阿Ｂ表示鍾幗很「大隻」，重12磅，穿六個月大的ＢＢ衫也很窄。他又笑言因范姜未修身，所以有少少怕醜而不接受訪問，他則認為太太肥才有福氣。
問到剛榮升姐姐的鍾懿是否喜歡妹妹，她大聲說：「好錫ＢＢ。（點錫？）好肉緊咁錫。（會唔會畀晒啲玩具妹妹？）唔會……會。」單拖到場的克勤只逗留十分鐘便離去，他表示太太要在家中湊ＢＢ，所以由他代表出席，他透露不會為細仔舉行百日宴。
文：名人組