GiGi透視裝自認清純

昨日手袋品牌Coach在中國第一間旗艦店盛大開幕，邀請梁詠琪、莫文蔚，與大陸演員李小冉、姚晨四位靚女擔任嘉賓。

GiGi穿上通花透視銀色短裙到場，比起Karen的紅白色背心裙更為性感。GiGi謂只是驟眼看性感，因穿了tube top打底，她說：「我一直唔係行性感。（覺得同Karen有乜唔同？）佢感覺比較性感，我比較清純。」最近熱愛寫微博的GiGi，表示已經寫出「手癮」，所以亦有寫歌詞。

設計限量版手袋

品牌為慈善特別邀請GiGi設計限量版手袋，只推出五十個，GiGi透露無論男友與fans都在期待中，她亦會搶購送給家人及朋友。GiGi表示設計概念是一個女孩子在沉思，而品牌高層亦十分欣賞，她說：「袋中人係自己，思念一個人嘅情懷。（思春？）唔係，思念邊個就唔好講，係我嘅秘密嚟。」

另外，Karen被問到與王菲音樂拍檔、才華洋溢的張亞東有否機會發展？她說：「我自己都好有才華，身邊亦好多朋友有才華，不過我哋都好夾。（會否擦出火花？）音樂上就有，感情上就冇。」繼而又表示就算拍拖亦不會刻意公開，免變得複雜化。

Karen唔恨生B

至於會否秘密結婚？Karen說：「唔會刻意公開，亦唔會收埋，我依家太忙冇時間結婚，寧願做多場騷。（唔驚到時變高齡產婦？）我唔恨生B，熱愛工作。（唔dry咩？）都唔知幾精彩，談戀愛只係人生一部分。」

此品牌將推出“Star Totes”明星慈善拍賣，邀請眾多明星及時尚達人設計限量版手袋，包括有成龍、梁詠琪、林志玲、徐熙娣等等，稍後會在網上拍賣，所得善款將捐給北京成龍慈善基金會。