謝安琪（Kay）早前與方力申到甘肅慈善探訪，親自設計兩款Tee作義賣之用，她昨日分享探訪心得時一度眼紅紅。身為環球歌手的她表示，今次探訪活動會製作成特備節目於無綫播放：「會喺TVB廣告時段播。（肯播？）唔係我控制，好似係買咗時段。」問到會否擔心賑災騷被剪？她說：「賑災咁有意義，大家為件事作大前提，放開唱片公司界限。（你老公張繼聰解封喎！）由始至終都冇封殺呢件事，唔可以講係重獲新生。（幾時輪到你？）大局面我係小角色，睇新安排。」
另外，Kay接受有線電視專訪，大談受緋聞困擾的感受。她說：「同Eason（陳奕迅）一直係好朋友，音樂上有好多話題。（傳得好厲害喎！）始終我係女仔，畀人講太多呢種事，我會好難受，工作上遇到Eason都會避忌。」