唐詩詠昨日以低胸示人，出席海港城化妝品活動。她有份主演的《鐵馬尋橋》今晚將被安排對撼《金像獎》，詩詠稱對收視有信心：「最近收視好好有37點，我好有信心贏，今晚仲會約埋成班演員睇結局。」此外，《鐵》劇演員麥子善大爆鄭嘉穎Cool爆，詩詠稱過往覺得嘉穎慢熱，所以曾勸他多點笑容避免人家產生誤會，她說：「我同嘉穎合作咗五次，好了解佢唔係專登，我都叫佢多啲笑容。」
