王敏德攬女 馬詩慧：咪多疑

【譚倩宜澳門直擊】王敏德的Big Band演唱會前晚於澳門舉行，原子鏸任表演嘉賓，張天愛與夫王盛德、馮德倫、鄭佩佩等前來欣賞。前晚更是王敏德的生日，不過其妻馬詩慧卻沒有撐場，幸好兩個囡囡曼喜及麗嘉來捧場，王敏德解釋：「太太話囝囝第二日要返學，所以要睇住佢唔嚟，不過佢已經send咗sms畀我講good show，同埋之後我哋都會再去食飯補祝番。」不過他就艷福無邊，在後台食生日蛋糕時攬住舞蹈員梁菲等影相。

破例唔陪夫慶祝

而前晚另一邊廂的馬詩慧則與琦琦、陳嘉容等出席時裝設計師Lu Lu Cheung的新店開幕，問到她是否與老公鬧交而缺席演唱會時，她就坦言第一次不與老公慶祝生日，更聲言自己沒有送禮亦不會特別為對方補祝，更不想坐船或直升機過澳門，她只解釋二人相處多年，天天已經相聚，她說：「咁唔會淨係四月十六日對佢好，第二日就Bye Bye!」她又謂：「你哋鍾意點寫就點寫啦！」而昨日她出席Ingrid Millet活動時又忽然轉變態度，問到她會否送肉咀給老公？她說：「玉墜就可以送畀佢！」

對於二人是否鬧大交？昨日馬詩慧透過電話解釋：「做嘢公私分明，上個月已經話四月有活動要出席，當時答應咗，估唔到撞咗日子，冇理由唔出席。總之一年有三百六十五日，可能日日鬧交都唔係特別，大家唔好多疑！」

馬詩慧話日日鬧交都冇特別，唔捧老公場咪多疑。

張天愛與王敏德女兒曼喜（左）、麗嘉（右）一齊捧場。