周家蔚昨日以多套婚紗上陣，為婚紗展行騷，她表示經常披嫁衣拍廣告，令她對結婚沒有憧憬，她說：「就連選港姐時都有着婚紗，所以有諗過結婚反而着番樸素啲。（結婚想唔想擺酒？）以前想，依家唔想，覺得結婚係兩個人嘅事，唔需要咁多人參與，但仲未有計劃，不過會公開，始終係重要事，其實唔係刻意收埋，係唔覺得需要同人交代。」問她家人可有催婚？她表示母親希望她以事業為重，稍後將接拍處境劇。
此外，對於有指吳彥祖與女友在南非結婚一事，周家蔚透露早前有見過二人，但未知他們結婚，揚言戥他們高興。而同場HotCha以淡妝上陣，她們笑言不敢以素顏示人，指素顏會嚇親人。
