阿嬌再踏紅館喊甩眼線
鑽石組合Twins前晚在紅館再度合體，發放快樂正能量，她們直言冇想過可以再踏紅館，獻唱《相愛十年》時感動得眼濕濕，兩人即互送愛的抱抱，場面感人！
Twins出道十年，曾經面對不少風雨是非，前晚鍾欣桐（阿嬌）及蔡卓妍（阿Sa）再「合體」，於紅館舉行首場《NOKIA舞樂作動Twins人人彈起2010演唱會》。被阿Sa形容為「Twins再生父母」的伍樂城彈出《風箏與風》，全場歌迷隨音樂大合唱，場面溫馨。
阿Sa在台上感激歌迷十年來不離不棄支持Twins，阿嬌則謂：「我冇諗過仲可以企喺紅館呢個舞台！」兩人獻唱由《相愛六年》改成的《相愛十年》時，一度感觸嗚咽，最後她們互抱以示支持，場面感人！
古Sir台上放笑彈
安哥部分，Twins邀得英皇一哥古巨基合唱《死性不改》，基仔又化身古Sir大搞爛Gag：「成日聽到歌迷細細聲講，鍾意阿Sa定阿嬌多啲，我就話你哋以後見到Twins要講『阿Sa阿嬌我都愛，我想錫你個天靈蓋』！」阿嬌即搞笑地作狀暈低。基仔笑言Twins的歌陪伴自己成長，阿Sa即高呼：「我三歲都識唱你啲歌啦！」
完騷後，Twins與眾嘉賓在後台齊齊跳起拍大合照，阿嬌差點跌倒，情急下不慎拍到阿Sa的胸部，事後阿Sa笑謂：「我範圍大呀嘛！」
問阿嬌是否較緊張？她直言再度以Twins的身份上台，的確有點不習慣，但她非常享受：「之前經歷嘅事好唔開心，好彩有公司同屋企人無限量支持，等我繼續我嘅演藝事業！」她們自爆綵排時唱《相愛十年》已經狂哭，阿嬌更哭到眼線也溶掉。
歌酬捐青海災民
為呼籲歌迷支持青海地震災民，Twins將捐出首場六位數字的歌酬，阿Sa說：「睇下演唱會後有咩可以幫到，天災好難預測，希望大家好好珍惜！」阿Sa又指沒有邀請前夫鄭中基欣賞演唱會，而阿嬌就大方表示有邀請前緋聞男友麥浚龍，只是對方未能出席。
文：音樂組、攝：林楠