張經緯叫四飛：當攞咗獎！
導演張經緯憑執導紀錄片《音樂人生》，入選角逐第29屆香港電影金像獎「最佳電影」、「新晉導演」、「最佳剪接」和「最佳音響效果」四項提名，更早在台灣金馬獎為港人爭光。
首次入圍金像獎的張經緯，坦言沒想過有機會提名，只稱有份入圍金像獎已感到相當開心，但絕無諗過得獎：「最佳電影提名入面，我一部都冇睇過，所以冇得比較，亦冇資格批評，更加冇諗過對手和勝算，提名當攞咗獎！」他又稱雖然《音》片為他帶來了成就和肯定，不過並無影響和改變他的拍攝方針，張經緯說：「我只係做自己鍾意做嘅嘢，無諗過咩大投資、高成本同大明星電影。我無諗過電影分唔分商業，我只希望透過電影講我想表達嘅嘢。」