小紅霆鋒膺金像獎票王

香港影壇盛事，第29屆香港電影金像獎頒獎典禮今晚於尖沙咀文化中心舉行，包括金像獎評審、歷屆影帝及影后等的四十二位演藝界人士，早前率先選出心水獎項得主，結果《竊聽風雲》以一票之差險勝《十月圍城》成為「最佳電影」；「最佳導演」則是《竊聽風雲》的麥兆輝、莊文強；「最佳男主角」又是《竊》片以一票之差，由劉青雲險勝大熱門《十月圍城》的王學圻，成眾星之選。至於獲首屆金像影帝許冠文力撐「連行步路都似戲中主角」的任達華，雖然其《歲月神偷》獲不少圈中人支持，但因「自己打自己」被《天水圍的夜與霧》分薄票源，而未能問鼎票選第一。

趙薇好事成雙

影后大熱則非《心魔》裏飾演單親母親的惠英紅莫屬，共獲22人力撐，成為「最佳女主角」首位，在《十月圍城》表現出色的謝霆鋒更獲29票支持奪「最佳男配角」，兩人同成為今次票選的「票王」。剛榮升媽媽的趙薇亦以一票之差，憑《赤壁：決戰天下》奪得「最佳女配角」；「最佳新演員」則是童星鍾紹圖撼贏勁敵李宇春「攞第一」，連好戲之人兼金像獎「最佳男配角」廖啟智亦揚言佩服小童星的演技夠自然。

壓力爆煲病倒

成金像獎影后頂頭大熱的小紅，未知是否壓力太大，昨日因身體不適要看醫生，她說：「呢幾日都覺得唔舒服、好攰，啱啱去睇西醫，原本想睇埋中醫，但實在太攰唔想去，全日都會喺屋企休息同接受內地傳媒訪問，夜晚仲要為《公主嫁到》開工。」問她如何看待今年的影后之爭？小紅笑言：「張靜初遇到好導演，亦好好戲，但輸人生經歷；吳君如就一定好戲，但我喺《心魔》入面唔會話唔好戲囉！」

小紅對自己獲得不少圈中人力撐攞獎，當然高興，但笑言擔心眾人期望太高，自己則以平常心看待獎項。

劉偉強 《無間道》導演

最佳電影：《十月圍城》

最佳男主角：王學圻《十月圍城》

最佳女主角：舒淇《游龍戲鳳》

最佳男配角：謝霆鋒《十月圍城》

最佳女配角：李宇春《十月圍城》

我有嘢講：《十月圍城》無論劇情同演員都好有水準，係一部好出色嘅電影，至於最佳導演唔識揀嘞！個個都係好朋友。

梁家輝 三奪金像獎影帝

最佳電影：《十月圍城》

最佳導演：陳德森《十月圍城》

最佳男主角：王學圻《十月圍城》

最佳女主角：惠英紅《心魔》

最佳男配角：梁家輝《十月圍城》、謝霆鋒《十月圍城》

最佳女配角：范冰冰《十月圍城》

最佳新演員：李宇春《十月圍城》

許冠文 第一屆金像獎影帝

最佳電影：《竊聽風雲》

最佳導演：麥兆輝、莊文強《竊聽風雲》

最佳男主角：任達華《歲月神偷》

最佳女主角：吳君如《歲月神偷》、 張靜初《天水圍的夜與霧》

最佳男配角：謝霆鋒《十月圍城》

最佳女配角：范冰冰《十月圍城》

我有嘢講：《竊聽風雲》處理手法夠創新，未見過；任達華《歲月神偷》連行步路都好似嗰個年代嘅人，唔似做戲；謝霆鋒唔再得個靚字，真係一個好演員，抵佢攞！

田啟文 第二輪50位評審之一

最佳電影：《十月圍城》

最佳導演：莊文強、麥兆輝《竊聽風雲》

最佳男主角：王學圻《十月圍城》

最佳女主角：惠英紅《心魔》

最佳男配角：謝霆鋒《十月圍城》

最佳女配角：葉璇《意外》

最佳新演員：李治廷《歲月神偷》

鮑起靜 第28屆金像獎影后

最佳電影：《竊聽風雲》

最佳導演：爾冬陞《新宿事件》

最佳男主角：任達華《歲月神偷》

最佳女主角：吳君如《歲月神偷》

最佳男配角：謝霆鋒《十月圍城》

最佳女配角：李宇春《十月圍城》

最佳新演員：鍾紹圖《歲月神偷》

舒淇 第42屆金馬影后兼今屆候選影后

最佳電影：《十月圍城》

最佳導演：爾冬陞《新宿事件》

最佳男主角：王學圻《十月圍城》

最佳女主角：惠英紅《心魔》

最佳男配角：謝霆鋒《十月圍城》

最佳女配角：何韻詩《遊龍戲鳳》

文：影視組