千嬅拒祝舊愛年生貴子
吳彥祖（Daniel）與Lisa S.於南非秘密結婚哄動娛圈，曾與他傳緋聞的女藝人及模特兒界均送上祝福。
楊千嬅先後透過微博及手機短訊祝賀，得悉Daniel結婚也是由老公丁子高告訴她。她先於微博送祝福：「Happy & Sweet Forever……白頭到老，永結同心。」千嬅笑言已恭喜對方加入已婚行列，問到會否祝對方年生貴子？她抵死地說：「梗係唔會啦！講咗畀人催番我點算？ 我今年仲要開演唱會o架！」
莊思敏：
「我今日剛剛在微博中知道，恭喜佢哋！我睇啲相覺得佢哋好開心，希望佢哋快啲生BB。（你結婚會唔會公開？）一定會，依家都冇秘密啦！但男友仲未向我求婚。」
貝安琪：
「希望佢哋生多啲小朋友。（佢哋秘密結婚。）可能覺得未係時候講住。我都覺得南非好浪漫，喺外地結婚特別好玩。」
蔣怡：
「佢哋喺南非結婚？我個創意畀佢哋攞咗，我要再諗，我想喺非洲結婚，依家惟有唔揀南非，非洲都好大。（Lisa日前出席公開活動話自己冇結婚。）佢哋唔講係個人選擇，佢哋唔公開有原因。」
陳嘉容：
「超開心，好感動，佢哋今次好神秘，我好羨慕佢哋，一對金童玉女。我今日（昨日）打畀Lisa話佢哋好襯，Daniel喺旁邊好開心咁話多謝。其實Lisa一早想結婚，因為想生BB。我依家都等緊佢哋生BB，一定好靚，如果可以都想做佢哋契媽。」
