發哥睇中2.6億發號屋

國際巨星周潤發（發哥）與太太陳薈蓮（發嫂）投資有道，且對獨立洋房情有獨鍾，近日盛傳發哥豪擲港幣2.5至2.6億元，購買貝沙灣五期八號獨立洋房。據知，該獨立洋房共四層高，連700呎車房，總面積達9,254呎，呎價更高達2萬8千元！除了坐擁無敵海景外，還有私家泳池和六間套房，而頂樓主人房外有近千呎休憩平台，晚上舉頭不但可以「望明月」，還可以數星星，盡情享受寧靜浪漫的環境。

貝沙灣五期共有33間獨立洋房，其中只有五至八號洋房有近萬呎面積，雖然各洋房設計大致一樣，但他們特別挑選八號洋房，取其「八」與「發」字諧音相似，寓意發哥繼續吸金力強，而且八號新居代表發哥，甚好意頭！

發嫂認已睇樓

昨日本報致電發嫂求證，她承認與發哥於早前的復活節期間往貝沙灣睇樓，但一切還有待商議，發嫂說：「呢個傳聞好好笑，我哋只係睇過樓，唔明點會話買咗。其實我喺復活節期間去過睇樓，好鍾意，啲條件好好。間屋夠大、望海、保安嚴密，發哥睇咗都OK，但真係未買。搬屋不急於一時，最緊要睇啱先至買！」由於發哥知名度太高，發嫂坦言每次睇樓都很花時間，她說：「老公唔方便親自去睇樓，所以會由我去睇，符合條件再由佢去睇一次，所以好花時間。（呢間獨立屋成交機會高唔高？）我可以講係其中一個心水，因為價位都唔平，要認真考慮賣家開出條件好唔好先囉，唔好就唔使考慮。」

最新落成的貝沙灣五期極盡奢華，圖為五期相連的單位。

貝沙灣一期的獨立屋雖不及五期大，但空間寬敞，甚具格調。

最愛嚴密保安

據悉發哥發嫂喜歡入住獨立屋的原因是「高設防」，他們居於九龍塘獨立屋多年，早已習慣私隱度高的居住環境，兩人其實之後於04年曾購入九龍嘉珀山頂樓複式豪宅，近六千呎的單位面積寬敞又開揚，雖然發哥曾讚此單位好住，但始終不及獨立屋夠私隱，所以他們還是選擇另尋心水新居。

文：專案組