福祿壽殺入紅館拖真身放笑彈
由王祖藍、李思捷、阮兆祥（祥仔）及汪明荃演出的無綫節目《荃加福祿壽》，自播映以來除了口碑甚佳，叫好叫座之外，節目內容更成為YouTube熱播項目，而上周節目收視飆升六點，平均高達三十點，有一百九十一萬多觀眾收看，最高更有三十三點收視，平了二○○八年台慶頒獎典禮收視紀錄，成績顯著，有見及此，無綫有意將節目搬上舞台，預計農曆新年在紅館演出。
搵欣宜一齊玩
而祖藍、思捷、祥仔對此表示十分支持，當中祖藍承認有傾過，但暫未落實，祖藍表示：「都渴望會成事，到時請番我哋扮過嘅真身一齊嚟玩就好喇。（最想請邊個？）欣宜，佢係個好好嘅綜藝節目腳，有佢一齊玩好開心。」而問到祖藍現時《荃》可有帶挈他搵真銀？他表示暫時全力做好節目，未有空檔搵真銀，最緊要觀眾喜歡睇、與觀眾成為朋友。
享受萬人掌聲
至於祥仔指若節目真的在紅館演出，感覺似完成他演舞者心願，他笑說：「平時錄影廠得八百幾觀眾拍手，喺紅館有萬幾觀眾歡呼，係一種享受。」
此外，提到上周無綫接獲四個有關《荃》的觀眾投訴，當中一個是投訴祖藍頻扮女人，而祖藍對此謂：「我自己都想投訴埋一份，我都有啲厭，不過有百幾萬人想睇，都冇辦法。」
文：影視組