林峯焗咀Bobby成面口水
林峯、楊怡、歐陽震華（Bobby）及馬賽前晚為無綫新劇《不速之約》拍攝外景，劇情講述林峯被困火場，之後獲Bobby救出兼施予人工呼吸及心外壓。雖然Bobby只是借位，不過就不斷在林峯口邊吹氣，導演一嗌cut林峯即攞紙巾抹嘴，場面惹笑。
跌落急流險死
林峯表示首次與同性幾乎嘴貼嘴近距離接觸，感覺搞笑，他說：「Bobby都唔係噴晒啲口水落我度，有時吹氣好難免，佢已經就住。（第一次同男人咁近距離接觸？）都係㗎，忍唔到笑。（難頂？）拍嘢冇乜所謂啦。」林峯又自言首次拍攝火戲，雖然有一定危險，不過對他來說是小巫見大巫，因他曾在印尼拍攝旅遊節目時險溺斃，他謂：「真係差啲就嚟死，嗰次拍特輯要玩急流，唔小心跌咗落水，畀水流一直沖，好彩最後教練一對上帝之手插落水扯我上嚟，我只係皮外傷。呢十年儲咗好多舊患，有時會有風濕痛。」
楊怡恨演喜劇
至於Bobby表示最驚拍爆炸戲，而他亦曾為拍劇留下不少傷痕，問他每次受傷會否造成陰影？他表示不會，因為意外是預料不到。而楊怡就自認膽小，表示女演員通常不會有太多危險鏡頭，而她最渴望演喜劇，飾演大笑姑婆角色。
文：影視組
攝：唐豁莊