緋聞男女馬國明（馬明）、胡定欣日前傳出分手，有指定欣在葉翠翠介紹下北上認識富商，而狠飛馬明，不過馬明與定欣異口同聲指報道失實，認真得啖笑，馬明更力撐定欣不是貪慕虛榮的人，他說：「如果係，佢唔使拍劇拍得咁辛苦，一個女仔咁樣畀人抹黑真係唔係幾好。」
至於定欣對報道感到十分無奈，她說：「最激氣係篇報道話我家道中落，其實篇嘢除咗人名啱之外，全部都係作，寫嗰個可以做編劇。（報道話你同翠翠好friend？）我哋係好同事，今次咁樣拉埋佢落水，佢真係好無辜。」
