吳文忻索吻老外屈膝就範

日前約晚上十一時，記者在中環發現身穿格仔衫及短裙的文忻，與一名年約四十歲、身高約六呎三吋的外籍高佬，步行往雲咸街方向取車。期間文忻以流利英語跟對方交談，老外亦不時逗得文忻甜笑。雖然兩人身高差距一呎之多，但完全沒有阻礙交流，傾得十分投契。

錫完右邊錫左邊

當文忻取出車匙準備上車之際，竟突然轉身主動向男方索吻，老外即上前攬着文忻。為配合懸殊身高，老外不介意屈膝遷就，「瞄準」文忻的臉頰近耳珠位置吻下去，錫完右邊錫左邊。文忻亦順勢搭着老外膊頭，另一隻手則托住其手迎吻。

兩人情深對望，儼如情侶一樣。	文忻登上座駕離開，老外望到實。	文忻指老外是律師，當晚第一次見面。

兩人於四野無人的街頭連環親熱後，文忻仍情深款款的望着對方，其後二人站在街頭繼續傾偈，老外非常有風度，全程曲腳屈膝交談。臨走前，文忻臉上仍掛着甜絲絲的笑容，然後登上其平治座駕，老外則依依不捨地站在一旁目送她離開。

仍有其他追求者

事後記者致電文忻，問該老外是否新歡？她嬌嗲地說：「佢係我朋友嘅朋友，朋友見我單身介紹佢畀我識，叫我試吓。（佢做乜職業？）好似係律師。嗰日係我第一次見佢。（係咪新男友？）唔知呢？我哋啱啱識，要睇定啲先，唔想好似以前咁。以前我戀愛大過天，太投入，依家想了解多啲先。」她又自爆身邊還有其他追求者。

文：追蹤組