gag神
今期Gag神找來音樂潮人陳奐仁、世界級Rapper歐陽靖、吳浩康女友莊思敏及模特兒何紫綸挑戰爛Gag IQ題，今期的問題就係：「有兩個犯人，一個叫阿山、一個叫阿水，長官命令佢嘅下屬，無論如何最少都要拉一個返嚟，你估個下屬最後拉咗邊個？」
陳奐仁想不夠半分鐘即大叫：「阿山！（點解呢？）阿山……阿水……因為我諗起風山水起嘛，所以個下屬就『封』住阿山畀阿水走囉，佢應該係拉阿山！」說罷即哈哈大笑，Gag神指他只是答對一半，陳奐仁便變得一臉懊惱，更追問Gag神正確的解釋。
莊思敏說：「我估個下屬係拉阿水。（點解？）因為個長官叫佢求其拉個返去，咁佢咪是但拉個『阿水』囉！（你錯啦！）哦，咁即係拉阿山啦，不過點解呀？」
何紫綸聽完問題後即答道：「係咪拉阿山呢？」Gag神問她為何認為是阿山時，她竟然謂：「因為我直覺覺得係囉，我啲朋友話啲IQ題，通常係問題入面前面嗰個就係答案！」當Gag神講解答案後，她邊大笑邊說：「真係好無聊呀！」
歐陽靖聽完Gag神的問題，隨即話：「我知，我知，喜瑪拉雅山，所以拉阿山呀嘛！（聽過？）唔係呀，不過我好叻玩呢啲無聊嘢架！」他即得戚地提出挑戰，斗膽反問Gag神「點解小明會跳得高過層樓呀？」然後拋下一句：「玩無聊嘢最緊要搵我呀！」果然一山還有一山高！
答案：阿山。因為起碼拉阿山（喜瑪拉雅山）