阿詩整蠱助手笑騎騎
何韻詩、汪明荃及杜汶澤等昨日為處境劇《女王辦公室》宣傳，一身潮服打扮的阿姐搶盡風頭，玩遊戲時又以評審身份指揮穿着裙子的陳爽做拱橋，甚有女王風範。而貪玩的阿詩就聯同阿澤整蠱助手，在對方於台上玩遊戲期間以手機拍下照片放上微博，更於台下不斷着演員們「彈開」，務求拍得助手一舉一動。事後阿詩跟阿澤翻看照片，睇到笑騎騎。
當被指出賣助手時，阿詩即詐傻扮懵謂：「邊個？真係正人渣！其實我係獎勵佢，因為佢一直好想埋阿姐身，又見佢呢排咁辛苦幫我執屋嘛。」阿詩透露近日來一個八年來大掃除，當中有曾為師傅梅艷芳做和音時的錄音帶，亦有N年前寄不出的情書，更謂：「我踏入30歲，都係時候身心調理吓。（咁做中女有冇覺得傷感？）冇，我自強不息，心理上保持年輕狀態就得。」
