趙薇冇影大肚似層層
有傳趙薇懷有身孕，正在新加坡養胎，會否出席香港電影金像獎仍是未知之數。但金像獎特刊封面昨日曝光，女主角候選人封面中，趙薇依然「避席」，出現「五缺一」的情況。
惠英紅、張靜初、朱璇、陳法拉及李治廷等昨日出席「第二十九屆香港電影金像獎頒獎典禮」記者會，一同為特刊的發布進行揭幕儀式。在「最佳女主角」候選人的封面照中，惠英紅、舒淇、張靜初和吳君如各展美態，但獨欠有傳大肚正在新加坡養胎的趙薇，其行蹤繼續成謎，更令封面出現「五缺一」。香港電影金像獎協會主席陳嘉上解釋，趙薇以私人理由推掉拍攝，至於是否因大肚之故？他說：「佢冇仔細講。（飛新加坡配合拍攝？）我哋冇咁多錢。（趙薇出席頒獎禮？）都未確實到，但我哋唔會唔嚟就冇獎拿。」
阮經天到場頒獎
陳嘉上透露當晚謝安琪會獻唱，懷念已離世的電影工作者，狄娜亦是其中一位。阮經天和趙又廷則會擔任頒獎嘉賓，導演陸川和電影《禮儀師の奏鳴曲》的導演瀧田洋二郎亦會出席盛會。
而今年的「終身成就獎」就頒予劉家良師傅，陳嘉上說：「佢由武指做到導演，對武術電影有好大貢獻。（因其身體狀況而頒？）唔關事，同事探過佢，佢身體好好，仲答應出席。」而惠英紅說：「劉家良對電影圈貢獻好大，將功夫電影發揚光大。」而今年的「專業精神獎」就由香港電影燈光協會主席鄒林先生奪得。
紅地氈花二百萬
至於今年的紅地氈由尖沙咀鐘樓開始伸延到文化中心場館，沿途會有帳篷以防不測的天氣，全長二百多呎。現場更會有大型電視直播，可供八百多名市民欣賞，費用約二百萬。
文：影視組