Baby夾黃曉明撒嬌話嫁
楊穎（Angelababy）與黃曉明的緋聞傳得甚囂塵上，不過Baby對這段緋聞從不避嫌，近日更在網上公開留言自己喜愛「海綿蛋糕」，有指此四字正暗示「曉明大哥」，前晚她為此解畫親暱稱曉明為「小明」，又說可能會致電對方，關係更見曖昧！
Baby、古天樂、劉晨芝等前晚出席「BMW 5系」新車派對，近日被傳隆胸的她卻收起性感，明顯比平日密實，是否怕被指隆胸？她指報道無聊，但多謝大家幫她的身材宣傳。
近日她在網誌中指的「海綿蛋糕」是否意指曉明大哥？Baby立即甜笑說：「唔係呀，係公仔海綿寶寶。（平日你叫佢做曉明大哥還是明明？）小明！（你叫佢做小明？）唔係，小明同曉明嘅普通話發音係一樣。（咁曉明有冇叫你BB？）冇。」
預告要互通電話
雖然曾被傳互相探班，但Baby表示雙方沒有特別見面，還說可能自己近日桃花旺，相信桃花很快遠離自己。Baby說：「揀男友好似揀車咁，一樣要靈活、有用，不過男友唔使身家豐厚，呢啲唔係考慮範圍內，我係雙魚座。（曉明係咩星座？）佢同我經理人一樣係天蠍座。」雙魚座與天蠍座兩星座十分合襯？她即撒嬌說：「唔好講到好似要我嫁畀佢咁，你哋講到咁好笑，我可能要打電話講畀佢知呢件事！（你要打畀佢？）可能啦！」Baby即將到日本工作，曉明會否陪她同行？她說：「梗係唔會啦。」至於黃曉明前晚在北京出席「中國最美50人」頒獎禮，並獲上進之美獎。
古天樂唔講拍拖
古天樂被問及早前與Baby合作拍片時有否察覺她與曉明拍拖？古仔說：「呢啲嘢問番當事人。（咁Baby啱唔啱你口味？）呢啲嘢遲啲先講啦不如。」古仔指自己沒時間亦暫不想拍拖。
文：名人組