薛嘉麟否認分手撐諸葛
諸葛梓岐（Marie）與Neway太子爺薛嘉麟一直愛得甜蜜蜜，不過，早前女方自爆感情現危機，更有傳是因為女方多口而被飛，之後Marie為箍煲而與男友遊澳門。昨日薛嘉麟新任保良局總理，出席「保良局己丑及庚寅董事會交代就職典禮」，雖然Marie未有現身撐場，不過薛嘉麟首度開腔否認分手。
向來低調的薛嘉麟面對傳媒表現緊張，但全程笑容滿面，問他為何加入保良局？他說：「有意義。（屋企人好支持？）個個人都支持。」問到女友有否到場時，他笑笑口沒有回答，再問對方是否支持，他再次重複「個個都好支持」，不過，當問到Marie的女友地位是否不變時，他清楚地說：「係。（想將戀情低調？）今日講番保良局。（會唔會叫Marie幫保良局做慈善？）佢好支持。（係咪冇分手？）冇。」
