崔建邦寺廟靜修體會知足
崔建邦（Amigo）、黃家強昨午從南非返港，Amigo心情似乎平復不少，對記者亦沒有迴避，問他此行程有甚麼體會時，他說：「香港人成日因小事唔開心，嗰邊啲小朋友有一粒糖已經好滿足，我哋點解要為瑣碎事唔開心、困擾呢！（係咪諗通咗？）其實已經冇乜嘢，亦冇刻意去諗。」
搵志雲分享
期間，有線電視台記者問Amigo會否跟陳志雲分享此行經歷，身為「無綫人」的他即醒目說：「唔好意思。」之後家強在旁謂：「要呀！你要同佢分享吓！」記者指Amigo飽滿不少，他坦言：「去到都ＯＫ，黑咗好多就真，嗰邊生活方式唔同，喺香港成日講電話、上網，嗰邊住喺寺廟入面，心境平復、平靜得多。」問他會否探陳志雲，他說：「睇吓佢得唔得閒啦！（你開心咗喎！）係咩？我都覺得係喎！」此外，家強表示今次最難忘的是上廁所時差錯腳跌損手(月爭)，幸而沒有大礙。 文：影視組