阿嬌冰火鴛鴦浴透支到暈
鍾欣桐（阿嬌）為新片《前度》獻出多個第一次，包括銀幕初吻及泡鴛鴦浴，阿嬌坦言一向不能浸浴，加上拍攝時因天氣凍要不停加熱水，令她體力透支，險當場暈倒。
第34屆香港國際電影節昨日舉行閉幕電影新聞發布會，兩部閉幕電影分別為阿嬌、陳偉霆（William）及詩雅主演的英皇電影《前度》及由梁敏儀、彭冠期等主演的《安非他命》，兩部作品台前幕後齊齊出席。盛裝到場的阿嬌坦言對《前》片甚為期待，她說：「喺嗰件事後，自己做女主角嘅第一部戲，心情好緊張，加上今次題材同以前好唔同，好大膽。」
同麥浚龍夾口供
阿嬌直言為影片在幕前作出多個新嘗試，包括銀幕初吻及浸鴛鴦浴，她說：「場浸浴戲拍到我同William暈咁滯，因為天氣凍不停加熱水，我平時都唔浸得浴，浸咗個幾兩個鐘，拍完我哋就嚟暈，好攰，完全係體力透支。（第一次浸鴛鴦浴？）拍戲都係，為呢部戲好多個第一次，第一次銀幕初吻，第一次拍愛情片，之前嗰啲都唔算係，拖手都少，錫額頭都好勉強。」
至於緋聞男友麥浚龍公開表示會購一張飛支持其演唱會，阿嬌笑稱兩人私底下一早為此事夾口供，麥浚龍此講法亦早向她備案，她說：「佢話嗰日同記者講唔係咁意思，叫我唔好誤會，如果佢想嚟睇都會請佢嘅！」
被迫刪五場戲份
同場的《安非他命》於正場上映未能通過電檢，被迫刪去五場雞姦戲，要以黑畫面代替，只保留字幕和聲音，導演雲翔稱此做法是可以接受的底線，能上映亦算對演員及觀眾有所交代，但會保留上訴權利。
戲中露兩點演出的梁敏儀坦言對刪剪表示可惜，而足本播放只出現在電影節，她說：「我想問公司攞多幾張飛請朋友睇，但都好爆，淨係畀到四張飛。」
文：影視組