Jessica C.同男友曳曳要安全

Jessica C.與貝安琪昨日為化妝品牌擔任模特兒示範唇彩，問到二人與男友咀嘴的最高紀錄？二人不約而同表示每日至少十次。Jessica C.表示：「我都好鍾意自己嘴唇，如果豐盈啲睇落會更sexy！（會唔會隆唇？）唔會，隆唇嘅人一睇就知。（有科學家指情侶每天連續咀24小時會懷孕？）我唔知！（你點避孕？）有好多方法！（避孕套？）你哋都想我咁講o者！總之任何情況下要安全性行為。」

貝安琪就透露：「之前我同男友喺紐約每過交通燈就咀一次。（你鍾意男友邊類嘴形？）唔好太薄。（尹子維呢？）都幾靚。（合不合嘴形？）都OK！（好有質感？）哈哈！」至於二人發展如何？她說：「唔知呢！我哋都係做嘢先。（佢唔夠主動？）都係。（你做主動畀暗示佢？）我唔識暗示，比較害羞。」